Zindagi Bani dushwar

 

asaisho ka amal dhakal yah phir mahngai ka jin howa bailagam  

Allah ne insan ko ashrafull makhlooqat banaya hy isi lia iske zindagi guzarne k kawaneen b apni dosri makhloqat se munfarid or sehal banae hy likin ager aj ak Nazar mashare me rehne wale ird gird k logo ki zindagi pe dale tou aisa lagta hy k zindagi guzarne ka tarika sirf Adam zaat k lia he bhot khatan hy.akhir aisa q hy ? Kya ibne Adam ne insan ki takhleeq ka maqsad bhola dia hy yah phr beja asaisho k amal dhakal ne iski zindagi ko mushkil bana dia hy?
Majoda dor me barti hoi mehangai or upar se asaisho se bhari zindagi k khob ne darhakikat insan ki achi khasi zindagi ko ajiran bana dia hy har shaks nafsa nafsi ka shikar hy dosro se humdari,aisaro qurbani ka jo dars ibne Adam ko dia gaya ta wo Usay bhola kar be rehmi Nafrat or khudgarzi ka dars Apne mashrey me parwan charh kar Apne he hato apni zindagi ko jhoko me dal raha hy.
Ab zindagi bus ak rais k maidan ki tarha dikhai dairi hy Jis me mard ho yah orat bacha ho yah bara sub ak dusre se bazi lae jane k khowaish mand hy chahy usey Yeh bazi lae jane k lia khud ko zakhmo or thakan se chor he q na karna paray.zindagi me asaisho ka itna amal dhakal hogaya hy k ab asaiho k moyasar na hone pe zindagi me ghotan mehsaos hone lagti hy or shayad inhe asaisho jo aj k manhgai k dor me ak fard ki kamai se Hasil hona bhot mushkil hy khawateen be ghar se bahir Apne kadam nikal lia hy wo orat jo kam wabaishtar he rozi ki talash me dhakay khati hoi Nazar ati ti aj mardo k takriban shana bashana agai hy wo orat Jis ki zimaidarioe kbi ghar or ghar wale atey te aj rozi talash karna b iski zimaidari hy sirf orat he ni mard Jis ki zimaidari sirf kama k Lana ta aj kamane k illawa b muktalif socho or pareshanio me aise ghiri hoi hy k bus dil isi umeed pe pur josh ho kar agay barhta hy k!

Ghum se khokar ho tou mit jata ghum

 mushkile muj pe itni pari k sub asan hogai

Zindagi me is hakikat ko baishak Nazar andaz ni kia jata k jab insan purumeed ho or himat na hare tou wo aksar Bari se Bari hari hoi jangay b jeet jata hy likin ager zindagi me jang larne k lia asan or sidha rasta iktiyar kia jae tou kamiyabi jaldi mil he jati hy lihaza aj k mehngai k dor me ager kamiyabi k sath zindagi ki jang larni hy tou pehlay isko asan banana hoga aise raste ka intikab karna hoga Jis pe chal k roh ko sokoon or jisam ko rahat mile na k zakhmo se chor hojae or aisa rasta sirf usi surat me mil sake ga zab zindagi rais ka maidan ni balkay aman ka gahwara hogi Jis me dusro k lia asaro qurbani ka jazba hoga jo aj k dor me Nazar ni ata shayad isi lia pehle ki nusbat itni mehnat k bawajod b hum ak Acha mashira banane me kamiyab Nazar ni atey hy.